شعراء الثورة من أبناء صباح الخير
( صورة ) رئيس التحرير صلاح جاهين
كاميليا عتريس
( أغنية صورة صورة صورة .. كلنا كدة عايزين صورة ) التى غناها عبد الحليم حافظ ولحنها كمال الطويل وكتبها صلاح جاهين عام 1966 .. وكان رئيس تحرير مجلة صباح الخير آنذاك .. غناها حليم فى حفل عيد ثورة يوليو أمام الزعيم الخالد جمال عبد الناصر .. وبعد مرور 45 عاما غناها شباب ثورة 25 يناير 2011 فى ميدان التحرير .. فكانت تعلو أصواتهم بها فيزداد حماسهم وإصرارهم على مطالبهم فى الحرية والديموقراطية والعدالة الاجتماعية . ونجحت ثورتهم وانبهر العالم بهذه الصورة الرائعة فى ميدان التحرير التى ضمت أبناء مصر تحت علمها ( الراية المنصورة ) .
أغنية صورة : تأليف : صلاح جاهين .. تلحين : كمال الطويل .. غناء : عبد الحليم حافظ
صورة صورة صورة كلنا كدة عايزين صورة
صورة صورة صورة تحت الراية المنصورة
كورس : صورة للشعب الفرحان تحت الراية المنصورة
يا زمان صورنا .. صورنا يا زمان
ح نقرب من بعض كمان .. واللى هيبعد من الميدان واللى هيبعد من الميدان
عمره ماهيبان فى الصورة
****
حليم : خضرة ومية وشمس عفية .. وقبة سما زرقا مصفية
ونسايم حرية .. ومعالم فن ومدنية
ومداين صاحية الفجرية
على أشرف ندهة وادان
دى بلدنا مصر العربية .. صورة صورة منورها الإيمان
***
على مدد الشوف مدنة ومدنة .. دى لصلانا ودى لجهادنا
مدخنة قايدة قلوب حسادنا .. تحتها صلب كأنه عنادنا
وقدامه من أغلى ولادنا .. عامل ومهندس عرقان
شبان والشبان فى بلدنا .. فى الصورة فى أهم مكان
صور يا زمان صور يا زمان صور يا زمان
العدد القادم مع شاعر من شعراء الثورة من أبناء صباح الخير ( الشاعر الكبير محمد حمزة و
أغنيته يا حبيبتى يا مصر )
ليست هناك تعليقات:
إرسال تعليق